Dekorationsbild
Dekorationsbild

Romani lovara —  Mištoj te žanen pa a učaškolake sitjimáta

Kames te sitjos pi učiškola vadj universiteto khate si kecavo so trubus te žanes sar studento khate po studera.nu.

Pa a učaškolakositjimo-le ek žanimasko aluibe (valo)


Kodalen kas si učaškolakositjimo si maj letko (kenjen) te len butji sar kodalenge so či sitjon majdur. Dikh ke pe sos tu san lášo/láši vadj so tut intresálij kana les te sitjos, kade vi maj loši te sitjon.

Savo sitjimoj o maj lášo?


Mindig mištoj te sitjon, de žan ávri ketji biris anglakodo so tu les te sitjos e žutorimasa "Rode taj šov khetane o sitjimo" (Sök och jämför utbildning"). Khote šaj šos khetáne e sitjimata, universitetura taj e učeškoli taj vi šaj dikhes sar i pe butjako marknado pe majbutféliticka thana. Tu birisa vi te dikhes so a Universitetskanslersämbetet phendas pa o kvaliteto pa o sitjimo. Pala kodo kana gátaj o értékeléši (utvärdering) o rezultáto po webo avela.

E sitjimaskedromesko žutori (studievägledare) žutijtu


Žan ávri so tu kames te keres taj soske šanci si tu, eke sitjimaskedromesko žutoresa khetáne. Tu rakhes dromeske žutores po gimnaziumo, komvuxo taj på universitetura taj učeškoli.

"Rode taj šov khetane o sitjimo" "Sök och jämför utbildnin (http://jamforutbildning.studera.nu/)

Kompetento taj jelentkezéši (anmälan) kade žalpe


Majbut bajura so kerel ke kas len ánde po sitjimo:
  • Ke ketji žéne dine ánde te sitjon
  • Sosko merito-jedjuraj (betyg) tut taj e áveren so jelenkezinde (anmälde sig)
  • Ketji thana si pe kodo sitjimo

Sakone sitjimas pi učiškola kompetento mangimo (behörighetskrav) si. Kado si ke hodj tu sas te gines kodala kurzuša pe e gimnaziumosko levelo so mangen pe kado sitjimo te šaj kezdin (astaren). Tu vi šaj gindan pe manušengi škola (folhögskola) vadj áversar si tut kado žanipe. Kadaleske phenen reell kompetenco.

Majbut žéne te mangen sar so si thana, atunči von len ávri anda kodala kas si kompetenso. Ando áver linimo šorba šon e intregonen pala o merito po sitjimo. Tjiro merito ávri ginelpe pe sako sitjimo tu manges taj si gimnaziumoske kurzuša so del ekstra meritoskepontura. Informaciovo taj kompetenco, ávri linimo taj meritoskepontura si po studera.nu.

Àndedinimo - Jelenkezéši (anmälan)


Šaj des ánde - jelenkezis (anmälalis) po Antagning.se. Tut šaj len opre pe majbut 45 pontura pek termino (andek termini si 30 učeškolake pontura). Prioritálin e sitjimata kodala savala maj feder kames te gines ta aven angluneske.

Učaškolako proba- či khasáres khanči


Učaškolako proba deltu inke ek šanca te šaj aves ánde po sitjimo. Pe majbut sitjimáta den ek kotor thana pala a Učaškolaki proba. Tu te si kompetanco taj iskirindan Učaškolaki  proba automaticki ande kodo grupa peres ká o maj federi tuke — jedjo (betyg) vadj proba.

Sa kongodi šaj keren proba, sajékhi e berš, citizeno vadj sitjimo. So trubus te keres ke hodj te iskiristu opre taj te potjines ánde 350 koroni.

Paluno djés te den ánde- jelenkezin (anmäla)


O paluno djés te den ánde - jelenkezin (anmäla) si mindig 15-to februari pe tavasicko (vår) taj 15 septemberi pe e ososki (höst) proba. Datumo pi proba variálij.
Gin majbut pi učaškolaki proba (högskolaprovet) »

Sitjuv ande ávera thema — majbut taj majbut žéne keren kodo


Tu rakhes tipso taj tanáči po studera.nu taj ek lista informaciovosa pa 60 thema ká švédicka studentura žan. Tekeren de ánglal ke hodj te šaj žan sitjol kado te lel majdnem ek berš.
Àvri parude sitjimata

Tut ánde te line andek švédicko universiteto šaj aves ande parujimaskoprogramo (sar eksempel Nordplus vadj Erasmus) te šaj sitjon andi Europa. Dentu žutori te keres tjire sitjimata tjiri učiškola taj tjire ávrethemeske sitjimata ánde ginen ande tjiro švédicko examo.

Korkori sar freemoverstudento


Korkori šaj rodes ek sitjimo ande ávere themes. Butivar trubujto ek aceptálime gimnaziumoskojedjo (betyg) taj aceptálime šibakotesto. Av ando kontakto kodale universitetosa ká kames te sitjos te dentu informaciovo ke so von mangen.

Gin majdu po sitjov ande ávere themes (studera utomlands) »

Sitjuv po distans — inger khére i uči škola


Či trubus aba te válastis (välja) maškar i familja taj sitjimo, dopašbutji taj sitjimo vadj ande áverthemes te aves taj o sitjimo. Tut kas si korkori disciplino taj angažemango šaj kerel butivar selduj! Ando Švedo karing o sako trito studento sitjol po distanso.

Dator taj internet


Trubuj te altu ek lášo datakožanimo taj ek lášo opre phanglimo pe tjiri dator. Fajma tut trubuj te avel speciálno programo, webkamera, mikrofono taj šunari pe e weboskemaladjimata. Informaciovo ke hodj so trubuj deltu i učiškola.

Sitjimaskocentra


Si distansoske sitjimata so či trubun te aven khote. Či kames te bešes khére taj te sitjos tu šaj aves eksempel pek sitjimaskocentra ká bešes. Khote si žéne so keren butji, dator taj sa sogodi so trubuj. Vi šaj keres i tenta khote. Si učeškoli so den o intrego sitjimo po than po sitjimaskocentra. I učiškola del informaciovo pakado.

Gin majdu po distanseskositjimo (distansstudier) »

Nationelna minoriteticka šiba — si pe učeškoli?


Si ek učiškola kas si pharipe pa sako jékh nationelno minoriteticko šib. Naj but sitjimaske šanci. Administrativa thana báron e sámonge, švédickafinonge taj tornedalickonenge pe  lengo čačimo te šaj sitjon taj te hasnin pengi šib. Kado jelentij ke hodj trubuj cigna školake sitjárde taj sitjárde so sitjáren e nationelna minoriteticka šiba báron. Sakadoj vi po sitjimo pe nasvalengo instituciovo taj phurengo-gindimo ká trubuj te vorbin i šib.

E Linköpingoske universitétos si akánik o pharipe pi romani šib, de vi andi Södertörns učiškola sas sitjárimata e romenge te šaj aven sitjárde.

Gin majdur pe e Linköpingosko universitetosko weblpaco (névi fejastra) »
Gin majdur pe Södertörnöski učiškolako webplaco (névi fejastra) »

I uči škola 2011 po oso (höst) das ek ávrirodimo, Sitjárdengoinkeripe pe e nationelna minoritetura — sar kado šaj avel securitime? Sikajimo andak govermentoskodinomo, e govermentoske.

Ando ávri rodime si idéva pe savi učiškola te avel o nationelno pharipe pe kadala pánž nationelna minoriteticka šiba taj khatej e sitjárdengo sitjimo.

Gin majdur pa ávri rodimo (névi fejastra) »

Lenkura


Pa e lenkura rakhes lášo inforacovo kana gindos so te les te sitjos vadj te keres butji. E lenkura žan pe švédicka riga.

Tu iskiris tu ánde pe a uče školakesitjimata po Antagning.se
Antagning.se (névi fejastra) »

CSN informálij pa sitjimasko žutori (love bidrago taj unžulimo (lån)
CSN (névi fejastra) »

Učo instuticovo dikhel sar o sitjimo žal taj lel sáma pe e studentongo čačipe
Učo instuticovo (névi fejastra) »

O Internationelno programoskokontoro informálij pa o ávriparujimasko sitjimo
Programoskokontori (névi fejastra) »

YH-raja infomalij pa a uča butjake sitjimata
YH-raja (névi fejastra) »

Rakh so intresálij tu a Butjakekompasosa pe a Butjakobirovo
Butjakekompaso (névi fejastra) »

Fler liknande artiklar